Herri kirol desafioa egin dute Goiazko plazan, bertako festen barruan. Berastegik lortu du irabaztea, eta Bidania-Goiatz bigarren geratu da segundo batera.
Lau taldek parte hartu dute, eta lehen hirurak bi segundotan sartu dira. Berastegik 8.20ko denbora gin du, Bidania-Goiatzek 8.21ekoa, Asteasuk 8.22koa eta Zumarraga-Urretxuk 8.44koa. Beroari aurre egin behar izan diote gazteek. Talde bakoitzak lau partaide zituen, eta lau proba zituen zirkuitu bat egin behar izan dute, hiru aldiz. Harri-jasotzen, giza proban, txingak eramaten eta korrika aritu dira. Bukatzeko, partaide guztiek egin dute korrika itzuli bat.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!