19:30ak inguru piztu da baso sutea Hernio mendian. Une honetan bertan ari dira lanean hainbat suhiltzaile-etxetako suhiltzaileak. Ez dago zauriturik eta oraingoz suak ez du harrapatu inguruko baserri edo etxebizitzarik.
Bidania-Goiazko alkateak, Maialen Irazustak, esan du larrialdi zerbitzuak bertan daudela eta haizearekin sua zabaltzen ari dela. Errezil eta Bidania-Goiatz aldera ematen duen maldan piztu da sua eta haize ufada gogorren ondorioz zabaldu da. Bi su-foku daudela dirudi; Zelatungo etxolaren azpialdean bat eta pixka bat eskuinerago beste bat. Suhiltzaile kamioi ugari daude bertan lanean, baina sutea ez dago kontrolpean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!