Bihar 12:00etan Osoko Bilkura egingo dute Bidania-Goiazko Udalean. Gai zerrendarako puntu bakarra aurreikusi dute, hain zuzen, Juan Inazio Zinkunegi alkatearen aurkako zentsura mozioa. Haren ordezko Maialen Irazusta proposatu dute eta biharko bileran eztabaidatuko eta bozkatuko dute gaia.
Gai beraren inguruan, berriz, Ezohiko Udal Batzarra egingo dute gaur, 20:00etan, Bidania-Goiazko udaletxean. Aurkeztutako zentsura-mozioaren aurrean alkateak bere desadostasunak herritarrei azaltzea izango da hizketagaia.