'Sukaldean behin' ikastaroa egingo dute Bidania-Goiatzen, asteko otorduak planifikatzen ikasteko tailerra. Bi saio egingo dituzte: lehena, urriaren 11ean, Bidaniko eskolan izango da, teoria zein praktika uztartuko dituzte eta ordu eta erdi iraungo du; bigarrena, berriz, Saiaz elkartean egingo dute eta erabat praktikoa izango da, hau da, zortzi edo bederatzi errezeta «estrategiko» prestatuko dituzte bi ordu eta erdiz.
Saioak Aitziber Aizpuruk gidatuko ditu, Azpeitiko Eliku nutrizio aholkularitza zentroko kideak. Urriaren 7a –datorren astelehena– baino lehen eman behar da izena 605 75 33 55 zenbakira deituz edo idatziz. Bidania-Goiazko Kukuri kultur taldeak antolatu du ikastaroa eta, haien esanetan, ikastaroan parte hartzen dutenek «ondo antolatutako» menu bat egiten ikasiko dute, besteak beste.