Partidan, Olatz Arrizabalagaren izena nabarmendu behar da. Saketik hasita, baina baita jokoan ere, gernikarrak ezarri zuen partidaren erritmoa, bera izan zen kantxan agindu zuena eta tantoak amaitzerako orduan ere oso eraginkor aritu zen. Larrarte-Mendizabalek partida gogortzea lortu zuten Zarauzkoa bezalako pilotaleku zail batean, eta lehiak 50 minutu iraun zituen, baina Arrizabalagak une erabakigarrietan erakutsitako argitasunak bere alde eraman zuen partida. Finalean, Arrizabalaga-Bergara bikoak Etxegarai-Gaminde bikoaren aurka ariko dira.
Larrarte ez da udako mastersaren finalean izango
Udako Master Laboral Kutxa Torneoaren finala ez du jokatuko Miren Larrarte pilotari bidaniarrak. Igandean Zarautzen jokatutako finalerdian, berak eta Mendizabal atzelariak 22-17 galdu ondoren Arrizabalaga-Bergara bikoaren aurka.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!