Uztailaren 14an hasi eta goi mailako zortzi jaialdiren ostean, azken unera arte itxaron behar izan da ligaxkan aurrera egitea lortu duten pilotarien izenak ezagutzeko. Asteburuan Urduliz eta Corellan jokatutako bi partida ederrek eman diote amaiera lehen faseari eta azkenerako Etxegarai eta Gaminde izan da ligaxkako bikoterik indartsuena, jokatutako lau partidak irabazita.
Gauzak horrela, finalerdi oso ikusgarriak espero dira hurrengo iganderako Galdakao eta Zarautzen eta oso garesti egongo dira irailaren 22an Donostian jokatuko den finalerako txartelak.
Larrarte-Mendizabal eta Arrizabalaga-Bergara Zarautzen, eta Ibarrola-Capellan eta Etxegarai-Gaminde Galdakaon, izango dira datorren igande arratsaldez jokatuko diren Udako Master Laboral Kutxa torneoaren finalerdiak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!