Larrarte lau eta erdiko txapelketan ari da parte hartzen, eta Etxegarairi 18-14 irabazi dio. Lehiak bi zati oso desberdin izan ditu. 10. tantora arte Etxegarai izan da partidaren kontrola izan duena, Larrarterekiko zenbait tantoko aldea maneiatuz. Larrartek, ordea, behetik gora egin du nabarmen, partidaren kontrola hartu du, eta finalerako txartela eskuratu du. Maddalen Etxegarai horretarako aukerarik gabe geratu da, jokatutako bi partidak galdu baititu.
Bestalde, binakako torneoa ezin berdinduagoa dago, Arrizabalga-Capellanen garaipenarekin, hiru baitira puntu banarekin lehen postuan berdinduta dauden bikoteak: gaurko garaileak, Aldai-Mendizabal eta Zabaleta-Gaminde. Beraz, hurrengo astera arte itxaron beharko da final handia jokatuko duten pilotarien izenak ezagutzeko.
Binakako torneoan, Miriam Arraizak oraindik lesiotik osatu gabe dagoen Leire Garai ordezkatu du, baina ezer gutxi egin ahal izan dute Arrizabalaga-Capellanen sendotasunaren aurrean. Leire Galeanok partida ona jokatu du, batez ere defentsan, pilota asko eramanez, Arraizak ere ez du partida txarra jokatu, baina bi pilotariak beharrak piztuta partida ederra jokatu duten bikotearengandik puntu bat azpitik egon dira.