Goizean eman diote hasiera Almitza Sega Elkarteak antolatutako Euskal Herriko XV. Bakarkako Sega Ligari. Goiazko Arretxeko belardian egin dute lehen ekitaldia, eta Miel Mari Jauregi Altzo zaldibiarra eta Alaitz Imaz herdialdearra izan dira lanak txukun eta azkarrenak amaitu dituztenak.
Gizonezkoetan Mikel Lizartza tolosarra eta Amaiur Arrospide leaburuarra izan dira atzetik, eta ondoren, horrela geratu da sailkapena: Oier Urkola anoetarra, Julen Gabirondo, Josu Mendizabal, Manex Olaiz, Iñigo Etxabe belauntzarra, Oier Mitxelena eta Mattin Etxarri.
Emakumezkoetan, berriz, Luixa Uzkudun leaburuarra eta Ainara Otamendi ibartarra izan dira atzetik, eta ondoren, horrela izan da sailkapena: Ainhoa Mazkiarain, Susana Lopez, Jugatx Agirre berastegiarra, Sheila Sarasola lizartzarra eta Uxue Iruretagoiena.
Beteranoetan bi segalari aritu dira. Pabi Astondoa izan da azkarrena eta bigarren, berriz, Joakin Garmendia anoetarra. Gaztetxoetan bi kategoria daude. Helduetan Harri Mitxelena izan da azkarrena,eta atzetik izan ditu Inge Goikoetxea, Nahia Aranzabe Alkiza, Iune Mikeo Sanchez, Aner Zunzunegi eta Xuban Gartzia Arias. Txikien mailan, berriz, Izar Mendizabal jarri da lehena, eta atzetik, Irati Tome, Haizea LarranĖaga, Mari Olazar, Xare Iriondo eta Claudia Pellus geratu dira.
Hurrengo saioa ekainaren 8an, Udaben izango da, eta azken saioa, berriz, ekainaren 30ean, Legorretan.