Bidania-Goiazko XXXII. Kultur Astearen barruan, azoka egin dute goizean; bertan, askotariko produktuak erosteko aukera izan da, baita tripa betetzeko ere. Giroa animatzeko trikitilariak izan dira.
Eguraldia lagun izan dute gaurkoan Bidania-Goiatzen, eta giro ederrean ospatu dute goizean azoka Goiazko plazan. Ekoizle, artisau eta jostunen hainbat postuek bete dute plaza. Horretaz gain, gose zegoena tripa betetzeko aukera ere izan du; aukeran, sardina erreak eta taloak, baita edateko txakolina eta sagardoa ere. Giroa animatzen aritu dira Alaitz Aramendi eta Garazi Zubizarreta trikitilariak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?