Festetako azken hitzordua herri kirolei eskainitakoa izan da Bidanian. Albizturko gazteen aurkako herri kirol jaialdia egin dute bidaniarrek. Estua izan da lehia, eta emaitza garbirik izan ez duenez, bi taldeak izan dira garaile. Bi herrietako gazteez gain, harri jasotzen aritu dira Goenatxo III eta Guzta, eta aizkoran aritu dira Eneko Saralegi eta Txomin Amundarain. Beraien erakustaldiak egiteaz gain, bi herrien arteko lehian ere parte hartu dute.
Eguraldiagatik frontoian egin behar izan dute saioa, eta goraino bete dira harmailak. Euria eginagatik jendea ez da etxean geratu eta festei behar bezalako amaiera emateko ahalegina egin dute horrela guztiek.