Festen azken eguna dute Bidanian. Azken urteetan ohitura hartu dute herri ezberdinen arteko desafioa egiteko. Aurten, Berastegi eta Tolosa gonbidatu dituzte, eta Bidania barne, hiru taldeek desafioa egin dute frontoi atarian. Lehenik, ergometroan aritu behar izan dute; ondoren, gurpilari tiraka; jarraian bizikletan eta azkenik korrika. Horrela talde bakoitzak bi buelta egin arte.
Ordu erdi inguruko lana egin dute hiru taldeek. Berastegiarrak izan dira irabazle, bidaniarrak helmugaratu dira ondoren, eta tolosarrak iritsi dira atzetik. Desafioak desafio, festa ederra jarri dute eta jende ugari gerturatu da saioa ikustera.