0-4 aurreratu ziren gipuzkoarrak, baina Aldai jokoan sartzen hasi zen, eta Mendizabalek ondo lagunduta, partidaren erritmoa aldatu zuten, eta erremateetan asmatuz, gorriek buelta eman zioten markagailuari. Larrartek eta Arrillagak ez zuten amore eman, eta lanean serio jarraitu zuten. Markagailuan gerturatzea lortu arren, ezin izan zuten aurretik jarri, eta azkenean, merezitako garaipena lortu zuten Aldaik eta Mendizabalek. Aldai izan zen partidako protagonista; berak egin zituen tanto gehien.
Beste finalerdian, Olatz Arrizabalagak eta Uxue Osesek 22-16 irabazi zieten Leire Garairi eta Enara Gaminderi partida orekatu baten ostean.