Urtarrilean jarri zuten martxan Bidania-Goiazko Irakurle Taldea, eta hilabetean behin elkartzen dira eta liburu baten azterketa egiten dute, liburutegian.
Irailerako zerbait "berezia" prestatu nahi izan dute taldeko kideek, batik bat, herrian taldea ezagutarazi eta zabaltzeko. Hori horrela, Miñan liburua aukeratu dute irailerako, eta liburua aztertzeko Amets Arzallus idazlea bera bertaratuko da. Bidania-Goiazko liburutegian izango da irailaren 26an.
Horretarako, aurrez liburua irakurtzea besterik ez dute eskatzen taldeko kideek. Interesa dutenentzat, berriz, eta lanak errazte aldera, Miñan liburua udaletxean jaso dezaketela aurreratu dute. Eta herritarrak irakurtzera animatu nahi dituzte.