Orain dela aste gutxi, Bidaniako Kontseju taberna-jatetxea errentan esleitzeko lehiaketa atera zuen Bidania-Goiazko Udalak, baina, azkenean, lehiaketa hutsik geratu da.
Udalak zabalik du Kontsejua ustiatzeko lehiaketa, eta herritarrei laguntza eskatu die: "Zuen inguruan albistea zabaldu eta denon artean egoerari irtenbidea ematen saiatzeko".
Udaletik prestutasuna agertu dute: "Baldintzak negoziatzeko aukera irekita dago, eta edozein proposamen aztertzeko eta hitz egiteko prest gaude".
Interesa duenak edo interesdunik ezagutuz gero, udalarekin harremanetan jartzeko eskatu dute.