Atzo arratsaldean, Demode Quartet taldeak kontzertu berezia eskaini zuen Goiazko frontoian.
Atzo, Bidania-Goiatzen ere, San Isidro eguna ospatu zuten. Ohiturari jarraituz, herriko baserritarrek bazkaltzeko eta afaltzeko aukera izan zuten, aurten biak Goiazko Ostatuan izan ziren. Arratsaldean berriz, kontzertu berezi bat ikusteko aukera izan zuten herritarrek, Demode Quartet laukoteak ordubeteko saioa eskaini baitzuen.
Hainbat abesti ezagunen bertsioak egin zituten, tartean, Hertzainak taldearen 'Aitormena' abestiarena, bideo honetan ikusgai duzuena.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!