Bidania-Goiazko Udalak dagoeneko aurkeztua du azken urtean etxebizitzen inguruan egin duen lanketa. Orain, herrian bizitzeko interesa dutenen zerrenda osatzeko pausoak ematen ari dira, galdetegi bat prestatuz. Galdetegia betetzeko azken eguna hilaren 14a, asteartea, izango da.
Galdetegi betetzea ez da herritarren lana bakarrik izango. Zerrenda hori herritarrekin eta gaur egun herritarrak ez direnekin osatu nahi dute. Galdetegia beteta, herrian dagoen etxebizitza eskaera neurtuko lukete, eta emaitza hori jakinda, eraikitzaile ezberdinei jakinarazteko baliatuko dute.
Beraz, Bidania-Goiatzen bizitzeko interesa dutenek Bidania-goiatz.eus webgunean aurkituko dute bete beharreko galdetegia. Galdetegiaz gain, momentuz esku arten duten proiektuaren gaineko informazio guztia ere bertan eskuratu daiteke.