Saiaz mankomunitatea osatzen duten herrietako hogei emakumek larunbatean egun-pasa egin zuten Bizkaia aldera. Atxondon izan ziren eta giro "ederrean" ibili ziren.
Bertan, Amillena emakumeen kooperatiba ezagutzeko aukera izan zuten. Ingurumenaren zaintzarekin lotura duen elkartea da, eta bertan ekoiztutako produktuez gain ingurukoak eskaintzen dituzte beraiek duten dendan eta jatetxean.
"Garai zail hauetan elkarrekin egoteko behar handia dago", azaldu dute mankomunitatetik. Bailarako emakumeen saretzea du helburuen artean Berdintasun Saileko Emakumeen Foroak. Aurreratu dutenez udazkenean ekimen gehiagorekin jarraipena emango diete saretze lanari.
