San Isidro eguna ospatuko dute Bidania-Goiatzen

Tolosaldeko Ataria 2021ko mai. 12a, 09:02

Larunbata, hilak 15, San Isidro eguna da. Baserritarren eguna ospatzeko prest agertu da Bidania-Goiazko Udala, eta Goiazko Herri Ostatuan bazkaria egingo dute.

Bidania-Goiazko Udalak azken urteetako ohiturari jarraituz, baserritarren eguna ospatuko du hilaren 15ean. Baserritarren eguna guztiek elkarrekin ospatzea nahi dute, eta hori bai, Covid-19a dela eta, beharrezkoak diren osasun neurri guztiak hartuko dituzte. 

Lehenik eta behin, 12:00etan, meza izango dute, eta 14:00etan, bazkaria Goiazko Herri Ostatuan. 

Udalak 10 euroko balio duten txartelak banatu dizkie baserritarrei, eta bertaratzen direnek gainerakoa ordaindu beharko dute. Bazkarira joateko asmoa dutenek, ordea, izena eman beharko dute osteguneko 13:00ak baino lehen udaletxeko 943 68 11 09 telefono zenbakira deituta.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!