Indarkeria Matxistaren Aurkako Eguna 2020

Indarkeria matxistaren aurkako protokoloa herritarrekin lantzen ari dira

Bidania-Goiatzen herritarrekin batera ari da lantzen indarkeria matxistaren aurkako protokoloa, Saiaz Gizarte Zerbitzuen Mankomunitatea.

Saiaz Gizarte Zerbitzuen Mankomunitatea indarkeria matxistaren aurkako protokoloa martxan jartzen ari da, berezitasun batekin. Herritarrak inplikatu nahi izan dituzte protokoloa osatzeko.

Zaintza komunitarioa ardatz hartuta, "garrantzitsua ikusten dugu herritarrak indarkeria identifikatzea eta haren inguruan hausnartzea, begirada berria sortuz", adierazi dute mankomunitatetik. Prozesu berri honetan, instituzioez gain, (Ertzaintza, Osakidetza, Gipuzkoako Foru Aldundia...) herritarrak izango dira protokoloaren partaide.

Laguntzaile lanetan, foru aldundiko Berdinbidean programa eta Farapi elkartea izango dituzte. "Azken horiek, COVID-19aren ondoren, Saiazen sortutako elkar laguntza sareak aztertzen dabiltza, eta bi proiektuak uztartzen saiatuko dira", azaldu dute Saiaz Gizarte Zerbitzuen Mankomunitatetik.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!