Miren Larrarte pilotari bidaniarrak ez du azkenean Emakume Master Cup binakako txapelketaren finala jokatuko. Ekainaren 28an izango da finala, eta Larrartek azaldu duenez, «lehentasuna» eman die ikasketei. «Hasiera batean ekainaren 21ean izango zela esan zuten finala, gero ekainaren 28an, eta unibertsitatera sartzeko probak hortik gertu izango dira. Ikasketak pilotaren aurretik daude beti. Entrenatzeak ere denbora kentzen du. Unibertsitatera sartzeko probak ondo prestatu nahi ditut, oso garrantzitsuak direlako nire etorkizunerako, eta aurrerago ere izango dira txapelketa gehiago. Beraz, nahiago dut ikasketetan kontzentratu».
Zaila egin zaio erabakia hartzea Larrarteri: «Finalera iritsi naiz, eta partida garrantzitsuenari uko egiteak mina ematen du, baina niretzako erabaki onena da». Pilotari bidaniarrak espero du etorkizunean txapela gehiago irabazteko aukera izango duela. Oraingoz ez daki udan zehar txapelketaren bat antolatuko denik.
Leire Garai izango da bere ordezkoa pilota mistoko finalean. Garai eta bere bikotearen aurka irabazi zuten finalerdia Larrartek eta Olatz Ruiz de Larramendik, eta bikote horretako aurrelaria Garai denez, bera izango da Irunen jokatuko den partida erabakigarrian. Beste bikotea Gentzane Aldaik eta Olatz Arrizabalagak osatuko dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
