Miren Larrartek finala jokatuko du Irunen

Erabaki da Master Cup Txapelketako finala, Larrarte-Ruiz de Larrinaga eta Arrizabalaga-Aldai.

Emakume Master Cup Binakako Txapelketako finala jokatuko du Miren Larrarte bidaniarrak, pilota mistoa modalitatean. Martxoaren 29an jokatuko da finala, Irungo pilotalekuan. Igandean jokatu ziren finalerdiak Beasainen, eta Miren Larrarte eta Olatz Ruiz de Larrinagak osatzen duen bikoteak partida irabaztea lortu zuen Leire Garai eta Nora Mendizabalen aurka.

Emozioz betetako partida jokatu zuten bi bikoteek. Ausart jokatu zuen bidaniarrak aurrean, eta atzean bikain hartu zuen mendean Ruiz de Larrinaga nafarrak, Mendizabal gipuzkoarra. 22 eta 19 bukatu zen partida, eskualdeko ordezkariak finalerako txartela lortuta.

Lehen partidan, Gentzane Aldai eta Olatz Arrizabalagak, Arrate Bergara eta Amaia Aldairen aurka jokatu zuten partida. Erraz irabazi zuten partida Aldai-Arrizabalaga bikoteak, aurkariak 11 tantotan utziz.

Beasaingo pilotalekua, beste behin, jendez bete zen bi finalerdiak ikusteko.

Honenbestez, Larrarte eta Ruiz de Larrinagaren aurka jokatu dute finala hilabete amaieran, Aldai eta Arrizabalagak.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!