Miren Larrarte pilotari bidaniarra Uharteko Lau eta Erdiko Txapelketa jokatzekoa zen aurreko ostiralean, Leire Garai gasteiztarraren aurka. Azkenean, eskuko minetik ez zen berreskuratu eta ez jokatzea erabaki zuen. Ruiz de Larramendik jokatu zuen Larrarteren ordez finala, eta 11-22 galdu zuen Garairen aurka.
Bestalde, asteburu honetan Miren Larrartek Laboral Kutxa Emakume Master Cup lau eta erdiko txapelketaren finala jokatuko du Miriam Arrillagaren aurka. Barakaldon izango da partida, igandean. Ordurako eskuak ondo izatea espero du eta finala jokatuko duela adierazi du. Larrarte lehenengo aldiz iritsi da txapelketa horretako finalera, eta aurtengoan lehenengo aldiz jokatzen ari den pilota mistoaren modalitatean ari da parte hartzen.