Zimiterioa dantzaleku bilakatuta

Abiatu da XXX. kultur astea, Bidania-Goiatzen. Zabale eta Larrañaga trikitilariak izan dira horren ardura hartu dutenak, eta dantzan jarri dituzte gerturatu diren herritarrak.

Dantzan hasi dute kultur astea bidaniarrek. Zabale eta Larrañagaren trikiti doinuekin ezin izan diote dantza egiteko tentazioari eutsi, batek baino gehiagok. Dantzaldiaren ondoren, pintxoak jan dituzte.

Hona hemen datozen egunetarako prestatu duten egitaraua:

Irailak 22, igandea

18:30.Bidaniko frontoian, Festamentuaikuskizuna eskainiko dute Tio Teronen semeak dantza taldeko kideek.

Irailak 26, osteguna

Arratsaldean.Eskolako neska-mutilek bisita egingo dute eguneko zentrora, eta elkarrekin eskulanak egingo dituzte. Ondoren. Txokolate jatea izango da.

Irailak 28, larunbata

15:30.Bidaniko frontoian, X-en bila mendi buelta, herritar guztientzat. Ondoren.Txokolate jatea.

Irailak 29, igandea

11:00-14:00.Azoka. Hainbat produkturen erakusketa eta salmenta, trikitilariak, talogileak, sardinak, sagardoa eta txakolina. Horrez gain, garai bateko tresnen eta Saiaz Mankomunitatearen 25. urteurrenaren erakusketak izango dira ikusgai.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!