Era askotako kirolak eginez igaro dute festetako bigarren goiza. Alde batetik, herriko umeen arteko futbol partida jokatu dute eta talde zuriak 2 eta 1 irabazi du.
Beste aldetik, punteria neurtzen ere aritu dira toka eta bolo txapelketetan. Txapari gehien jo dion emakumea Aiora Aburuza izan da, bigarren Aitziber Labaka sailkatu da eta hirugarrena izan da Ane Elola. Gizonetan, berriz, Joseba Zinkunegik eduki du punteria onena, Aimar Galarraga sailkatu da bigarren eta Andoni Elola hirugarren. Haurrei dagokienean, Aratz Eskibelentzat izan da lehen postua.
Bolo txapelketan, aldiz, Kepa Zinkunegi izan da garailea, Aitor Zinkunegi bigarren sailkatu da eta Bittor Aramendi hirugarren. Lehen emakumea, berriz, Marijo Esnaola izan da.
Festan jarraituko dute igandera arte. Ikusi hemen egitarau osoa.
