Dokumentalaren emanaldia 17:00etan izango da, Bidania-Goiazko gela balioaniztunean. Ondoren, egonezin eta sentipenak partekatzeko solasaldia egingo dute, txokolate beroaz lagunduta.
Halaber, azaroaren 24an, larunbatean, Tolosan izango diren bi ekitalditan parte hartzeko deia luzatu du Bidania-Goiazko Emakume Taldeak. Alde batetik, 12:00etan izango den flashmobean parte hartzeko gonbita luzatu dute, baita ondoren Tolosaldeko Asanblada Feministak deituta egingo den manifestaziora batzeko ere. 11:00etan elkarrekin joateko geratu dira, Bidaniako pilotalekuaren aurrean.