Gipuzkoako lau t'erdiko txapelketako bi final jokatu ziren atzo Bidaniako Ernio pilotalekuan. Jubeniletan, bigarren mailan, Aurrera Tolosako bi pilotarien arteko lehia izan zen.
Bigarren mailako kadeteen finalarekin hasi zen Bidania-Goiatzen pilota jaialdia, atzo iluntzean. Eibarko Azkargortak eta Goierriko Ibarlozak jokatu zuten finala. Azken honek jantzi zuen lau t'erdiko txapela, 22-10 irabazita.
Jaialdiko bigarren partida Tolosa Aurrerako bi pilotarien artekoa izan zen, biak bidaniarrak. Jubenilen bigarren mailako finala Elolak irabazi zuen, elkarte bereko Otañori 22-15 irabazi ondoren.
Bi partidak bikainak izan ziren; luzeak eta gogorrak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?