Ikasle guztiekin egiten dugun moduan, lehenik eta behin, erredakzioa erakutsi genien, eta honen antolaketa. Jarraian, nola lan egiten dugun, zein diren betebeharrak, zailtasunak,...
Beraien galderei erantzun genien, eta argazki batzuk atera ostean, bost taldetan banatu eta irratira sartzeko prest jarri ziren guztiak.
PARE-PAREAN
Fin-fin ibili ziren ATARIA irratiko Pasahitza saioko lehiaketan. Bazekiten eskualdeak zenbat herri dituen, zein mendi dauden, zein ibaik gurutzatzen duen,... eta honek lehiaketa sutsu eta berdindua izatea ekarri zuen.
Bost taldetatik lau pasa ziren finalera. Irratia bete jende. Tentsioa. Urduritasuna. Kale edo bale, erantzunak. Talde bat izan bazen ere irabazle, guztiek gozatu zuten.
