Helburuak, batetik, herriko adinekoen elkargunea izatea da, hainbat ekintza landuz: memoria lanketa, eskulanak eta adinekoen arteko harremanak sustatzeko ekintzak. Beste helburua zahartzaro aktiboa sustatzea da.
Aurtengo programa otsailaren 22an hasiko da eta hilean bi aldiz, ostegunetan, elkartuko dira parte hartzaileak, 15:00etatik 17:00etara, eguneko zentroan.
Programa 65 urtetik gorako herritarrei zuzenduta dago, eta doan da. Aurretik parte hartu ez dutenek izena eman behar dute eta horretarako goizez 943 68 11 28 telefono zenbakira deitu dezakete edo saiaz@saiaz.eus helbidera idatzi.
Saiaz Gizarte Zerbitzuen Mankomunitateak deialdi berri bat egin du Bidania-Goaizko adinekoentzat dinamizazio programan parte hartzeko. Lahar elkargoarekin batera, dagoeneko martxan dagoen proiektuari jarraipena emango zaio.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!