Eguraldiak pixka bat baldintzatu badu ere, goizeko lehen ordurako, jende ugari zegoen bertan, salerosketarako prest. Udalak, Ernio Guraso Elkarteak, herriko gazteek eta Kukuri Kultur Taldeak antolatuta ospatzen ari diren kultur asteko azken ekitaldia izaten ari da. Lehen urtetik hona, urtero ospatzen den ekitaldia da, eta aurten ere, herritarrek egindako eskulanez gain, sardina janez, sagardoa eta txakolina dastatzeko aukera izan da. Egunean zehar, trikitilariek alaituko dute giroa, eta bertsolariak ere bertan izango dira.
Azken ekitaldia, azoka
Bidania-Goiatzen, kultur astea ospatu dute aste honetan zehar, eta goizean izan da azken ekitaldia, azoka. Herritarrek, Goiazko pilotalekuan eta plazan, postu ugari jarri dituzte, produktu ezberdinenak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!