Errestoa izan da San Bartolome eguneko lege bakar, Bidaniako gazteentzat. Goizeko dantza saioa eta hamaiketakoa bazkaritan errematatu dituzte, baina pilotariek izan dute bestelako erremateetarako astirik ere, Ernio pilotalekuan.
Eskuz zein palaz, ederki aritu dira neska-mutilak. Ikusleek ere erantzun diete; hasieran lotsati, siestaren eta bazkalondoaren altzotik altxatzea ez baita erraza. Lehen partidaren erdirako, ordea, guraso, lagun, senide zein herritarrak bertaratu dira frontoira, animo oihuak ematera.
Bidaniarrei asteburu luzea geratzen zaie, oraindik, jaietan.