Ohitura zaharrari jarraituz, Bidania-Goiazko erretiratuek beraien eguna izan dute gaur. Eguraldia lagun, giro paregabean pasatu dute eguna.
12:00etako mezaren ondoren, herriko dantzariek ordu bete inguruko emanaldia eskaini dute plazan, eta segidan, Bidaniko Kontzeju jatetxean bazkaria egin dute bildu diren 30 lagunek.
Egun honetan ohikoa izaten den bezala, udalak herriko helduenei oroigarria ematen die. Aurten Zaldibarren baserriko Patxi Lasak eta Mendizabaleko Maria Belamendiak jaso dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
