Nekane Zinkunegi kazetaria izan zen moderatzailea, eta bertan parte hartu zuten Eguzkiñe Peña Oiartzun futbol taldeko jokalariak, Patri Espinar pilotariak, Izaro Arbe zesta-punta jokalariak, Alba Menendez Bera Bera eskubaloi taldeko jokalariak eta Javi Otermin Bera Bera eskubaloi taldeko prentsa arduradunak. Emakumeak kirolean duen tokiaren inguruan jardun zuten eta batez ere bakoitzak bere esperientziatik aritu zen.
Nabarmena izan zen guztiak profesionalak izan arren, hainbat oztopo gainditu behar izaten dituztela azaldu zutela: "Soldata eskasak, beren lana baloratzeko oztopoak, denbora...". Komunikabideek egiten duten jarraipenaren aldetik daukaten diferentzia ere "agerikoa" dela esan zuten. "Ez gaituzte berdin tratatzen, egiten dizkiguten galdera absurdoak...", azaldu zuten, besteak beste. Emakumeen kirola indartu nahi bada "guztiok bultzatu beharrekoa" dela ere garbi geratu zen mahai inguruan, "bai norbanakoen aldetik eta baita instituzioen aldetik ere".
