Talogileak, trikitilariak, saltzaileak... denetarik ikus zitekeen gaur Goiatzen. Goizean goizetik hasita, postu ugari jarri dituzte plaza inguruan eta tartean erakusketak ere izan dira; argazki lehiaketako argazkien erakusketa esaterako. Bestalde, tolarean sagardoa egiten aritu dira zenbait herritar eta sardina erreak dastatzeko aukera izan da sagardo eta txakolinaz lagundurik.
XXVII. kultur astea ekitaldiz betea izan dute azken egun hauetan eta gaurko azokarekin agur esan diote datorren urtera arte.