19:15ean hasi zen jarduna eta liburuaren aurkezpenak 40 minutu iraun zituen. Ondoren bidaniarrek eta goiaztarrek askotariko galderak egin zizkioten Jakobari: baratzeaz, frutarbolez, ilargiaz... eta 21:15ak arte luzatu zuten solasaldia. Liburua eta ilargiaren egutegia ere erosi zuten hainbat solaskidek.
Solasaldiak bukaera ez zuen, ordea, hortxe izan. Ondoren tabernan bigarren txanpa izan zen. Jakobarengana zuzenean hurbildu eta zerbezaz lagunduta hainbatek luzatu egin zuten jarduna.