Iritsi dira San Bartolome jaiak Bidaniara ere. Gaurkoan, Baltzola anai trikitilariek eduki dute suziria botatzeko ohorea. Jarraian, beraiek alaiturik ibili dira herrian barrena txikiteoan. Haurrek ere, izan dute zertaz gozatu, joko ezberdinak izan dute plazan jolasteko.
Asteartera bitarte izango dute zertaz gozatu bidaniarrek. Gaur iluntzean herri afaria izango dute frontoian Jexux Mari Irazu eta Julio Soto bertsolariekin eta dantza pixka bat egin nahi duenarentzat Gabenara taldea arituko da goizaldera arte.
Hona hemen biharko egitaraua:
ABUZTUAK 22, LARUNBATA
12:00. Frontenis eta pala txapelketako finalak.
18:00. Sagardo eta pintxo dastaketa: 14 urtetik gorakoek sarrera 3 euro.
22:30. Proba: Bidaniko gazteak VS Idi parea.
Ondoren. Erromeria Izer, Alabier eta Lutxurdio trikitilariekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!