Aurten gizonezkoen pala eta emakumezkoen frontenis txapelketa egingo da Bidania-Goiatzen. Horrela, txapelketan parte hartu nahi duenak Dendale edo Kontsejun egongo den paper batean idatzi beharko du bere izena ekainaren 14a baino lehen.
Parte hartu nahi duenak 15 urte eduki beharko ditu ( aurten 15 egiten dituztenak barne) eta izena emandako guztien artean zozketa egingo da bikoteak osatzeko.
Txapelketa ekainaren 14tik aurrera eta uztailean zehar izango da (jakinaraziko dira egunak) eta finalak abuztuaren 22an goizeko 12tan izango dira, Bidaniako San Bartolome festen egitarauaren barruan.