Arrakasta handiarekin amaitu zen atzo Bidania-Goiazko 25. aste kulturala. Aste osoan zehar antolatu dituzte ekitaldiak eta harrera ona izan dute herrian. Altuna III.a eta Ezkurdiaren solasaldiak eta argazki lehiaketan parte hartzaile ugari izan ziren.
Larunbatean umeak izan ziren protagonista nagusiak: murala margotu zuten eta ondoren karaokea izan zuten. Igandeko azokan ere giro ezinhobea izan zuten. Hori dela eta, udalak balorazio "positiboa" egin du: "aspaldiko ohitura, maila onean dagoela ikusten da, eta jarraipena eman behar zaie". Bide batez, udalak Ernio Guraso Elkarteari, Kukuri kultur taldeari eta gazte lokalekoei eskerrak eman nahi izan dizkie egindako lanagatik.