Txinkorta eskolako haurrek diskoa grabatu dute Tatxin eta Tatxan pailazoekin

Ekainaren 8an Bidania-Goiatzen izango den Eskola Txikien festari laguntzeko diskoa atera dute Tatxin eta Tatxan pailazoek. Pailazoak ez dira bakarrik egon grabaketan, hala ere, Txinkorta eskolako haurrek hartu baitute parte. Diskoa pailazoek larunbatean Villabonako Gurean, 17:00etan, eskainiko duten emanaldian aurkeztuko dute.

Txinkorta eskolako haurrek grabatu dute diskoa Tatxin eta Tatxan pailazoekin batera eta abestietako letrak ere beraiek egin dituzte.
 
Diskoarekin eta larunbateko emanaldiarekin ateratako etekinen zati bate Eskola Txikien festa laguntzeko izango da.

Tatxin eta Tatxan pailazoen emanaldia 17:00etan hasiko da, Villabonako Gurea antzokian, eta diskoa ere bertan eskuratu ahal izango da. Sarrerak 5 euro balio du. Leihatila ordubete lehenago irekiko dute.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!