Ekainaren 8an Bidania-Goiatzen izango da 2014ko Gipuzkoako Eskola Txikien festa. Dagoeneko urte bete daramate Bidania-Goiazko herritarrek festaren inguruko lanetan, eta larunbatean aurkeztu zuten Bidania-Goiazko Eskola Txikietako abestia, BIRAKA!, eta bere “Making Of”-a.
BIRAKA! abestiaren sortzailea Azpeitiko Skandalue Elektrotxaranga izan da. Antolatzaileak "oso pozik" agertu dira emaitzarekin, "oso egokia da gorputza astintzeko".