Berrobiko Begi Gorri Gaztetxeak antolatuta, larunbatean hasi zen Ion Ander Izagirre Frontenis Txapelketaren 34. edizioa. Atzo ere jokatu zituzten lehen faseko zenbait neurketa –horietako batzuetako irudiak argazki galerian–. Larunbat honetan ere izango dira partidak, eta finalak azaroaren 28an jokatuko dituzte.
Hiru kategoriatan banatu dute txapelketa: mutilak banaka eta binaka, eta bikote mistoak. Mutilen binakakoan 16 bikotek eman zuten izena; bakarkakoan, berriz, 11 lagunek. Bestalde, bikote mistoen kategorian, lau bikote ari dira parte hartzen txapelketan.