Emakume Langileen Nazioarteko Eguna ospatzeko bi ekitaldi antolatu ditu Berrobiko Udalak. Lehena emakumeen topaketa izango da, Ester Povedak zuzenduta eta Elena Arambarrik gidatuta. Martxoaren 5an, ostegunean egingo dute, 17:00etan, Etxolan.
Martxoaren 8an izango da Emakume Langileen Nazioarteko Eguna, eta egun horretarako bertso bazkari musikatua antolatu dute, 14:00etan, ostatuan. Bertan izango dira Alaia Martin eta Nerea Elustondo bertsolariak, eta gai jartzaile ariko da Amaia Agirre. Bazkarirako izena emateko epea ostegunean zabalduko dute eta martxoaren 5a arte egongo da horretarako aukera, Lakarien edo ostatuan, 27 euroren truke.