Iazko ekaineko uholdeek kalte ugari eragin zituzten eskualdeko zenbait herritan. Horietako bat izan zen Berrobi, eta horrek eragindako zenbait kalte konponduko dituzte egunotan. Hain justu, gaurtik hasita Anbuko errepidean konpontze lanak egingo dituzte, eta datozen egunetan oztopoak izango dira errepidean. Horrenbestez, beste bide bat erabiltzea gomendatu du udalak.
Ur mozketa, bihar
Horrez gainera, bihar, horniketa sarean hobekuntzak egingo dituzte, 10:00etatik 13:00etara. Ur mozketa horrek Eutela auzoan bakarrik izango du eragina.
Iraupena ustezkoa dela adierazi dute kudeatzaileek, «beraz gerta daiteke pentsatu baino lehenago bukatzea» eta kasu horretan abisurik gabe ura emango dutela jakinarazi dute. Aitzitik, luzatzen bada, herritarrek Gipuzkoako Uraren telefonoan (943 00 22 22) mozketaren berri izango dutela esan dute. «Mozketa dela eta, presio jaitsierak, uhertasuna eta nahi gabeko beste zenbait ondorio izan daitezke. Mesedez, barkatu eragozpenak», gaineratu dute.