Erika Lagoma eta Estitxu Fernandez idazleek, feminismotik eta amatasunetik prentsatu eta gauzatu dute haien azken lana: M ama* eme* ume*. Horretarako, hamaika lekukotza jaso dituzte, hamaika ama eta bi aiten testigantza bana; bikotedunak eta bikotegabeak, heterosexualak eta homosexualak, amabakarrak, adoptatzaileak eta ama ez izatea erabakitakoak.
Askotarikoak dira bertan bildutako esperientziak eta bizikizunak, ugariak iritziak eta desberdinak mundu-ikuskerak. Guztiak aberasgarriak eta zer pentsatua ematen dutenak. Horiek guztiak gaur aztertuko ditu Berrobiko irakurle taldeak, 19:00etan, udal liburutegian. Gaurko saioan Erika Lagoma idazlea ere izango da.