Berrobiko Urreburu pilotalekuan jokatuko dira, eta ekitaldia 14:30ean hasiko da, umeen kategoriekin. Hiru kategoria daude: LH1-LH4 banakakoan Orkatz Ugartemendiak eta Danel Alberdik jokatuko dute, LH5-DBH2 binakakoan Ekhi Altuna-Amets Altuna bikoak eta Oihan Artola-Aimar Gonzalez bikoak eta LH5-DBH2 banakoak Ekhi Altunak eta Amets Altunak.
Helduen finalak 15:30ean hasiko dira. Mutilen binakakoan finalistak Yeray Otaegi-Jon Ander Artaza eta Erik Sagastume-Ander Iribarren izango dira. Ondoren, modalitate mistoaren finala, Julen Garaiburu-Mireia Barriola eta Maialen Loiola-Alain Luisaren artekoa. Ondoren, nesken txanda izango da, eta Alaitz Aramendi-Maider Iraola eta Mireia Barriola-Irati Rekondo dira finalistak. Txapelketarekin bukatzeko mutilen banakako partida jokatuko da, Ion Jauregi eta Odei Arregiren artekoa; Ion Jauregi da aurten herriko finalista bakarra.
Partida guztiak amaitzean egingo dute sari banaketa. Bestalde, hainbat saski zozketatuko dituzte ekitaldian: Errazkin Artola harategiarena, Lakarie herriko dendarena eta Lesmesen txerrikume bat.