Berrobin lan eta lan eman dute eguna eta Aitzol Izquierdo alkateak eskerrak eman dizkie lagundu duten guztiei.
Berrobin Elduain eta Berastegiko herritarren eta udal baliabideen laguntza jaso dute atzoko euritearen ondorioei aurre egiteko. Euri erauntsia dela eta errepidea lokatz eta harriz beteta izan dute eta herriko hainbat gunetan ur putzu handiak sortu dira. Guztira 80 bat pertsona aritu dira lanean eta pixkanaka guztia garbitzen egon dira. Hala ere, Gipuzkoako Foru Aldundiaren hondeatzailea faltan bota dutela esan du, «gure, Elduain eta Berastegiko makineriarekin aritu gara lanean».
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!