Helduen proba hasi aurretik, lasterketa bidea txikienentzat izan da. Honela, Berrobi festa bihurtu dute parte hartzaileek eta ikusleek, azken hauek txikienei animoak eskainiz.
Tradizio handiko proba da Berrobikoa, askorentzat Behobia prestatzen joateko baliagarria. Aurtengoa XXI. Berrobira Krosa izan da, eta korrikalariek ohi bezala 7,5 kilometroko ibilbidea burutu behar izan dute zein baino zein azkarrago. Guztira, bost buelta eman dizkiote zehaztutako ibilbideari.
Honela, azkarrenak Jokin Bellido, gizonezkoetan, eta Itziar Ibarbia, emakumezkoetan izan dira. Lehen hirukoa osatzen Aitor Regillaga eta Iker Ezeiza, gizonezkoetan, eta emakumezkoetan, Eneritz Iraola eta Laiane Arrospide izan dira.
Aurreikusitako eguraldirik ez du egin eta Berrobira gerturatu diren kirolariak pozik ziren, euri zaparradarik ez baitu egin. Proba erdian tanta batzuk erori badira ere, ez diote probari ikuskizunik kendu.
Lasterketa hasi aurretik, antolatzailea den Ibin kirol klubak, aste honetan zendutako Pakita Araolaza Olarrarentzat minutu bateko isilunea eskatu du, eta honela, proba berrobitarrari eskaini diote.
SAILKAPENA
GIZONEZKOAK
- Jokin Bellido Leal. 24.18. Orio.
- Aitor Regillaga Beloki. 24.27. Tolosa.
- Iker Ezeiza Urkola. 24.50. Ibarra
EMAKUMEZKOAK
- Itziar Ibarbia Urrutia. 28.53. Alkiza.
- Eneritz Iraola Eskisabel. 28.54. Bidania.
- Laiane Arrospide Garmendia. 30.16. Tolosa.
BERROBITARRAK
- Itziar Ibarbia Urrutia. 28.53.
- Ibai Madina Aizkorbe. 25.43.