Berrobiko San Agustin jaien barruan, paella lehiaketa egin dute eguerdian hasita. 14 parte hartzaile animatu dira, eta amaitu dutenean epaimahaiak banan bana guztiak dastatu ostean, maila eta zapore oso onekoak prestatu dituzte nabarmendu dute. Hori bai, guztietatik Esti eta Iker Aierbek egindakoa izan dela onena ebatzi dute, «duen zaporeagatik eta ondo egina dagoelako». Ez dutela gainera saria irabazi duten lehen aldia azpimarratu dute dute.
Lehiaketaren irabazlearen izena esan orduko, herritarrak bazkaltzeko eseri dira. Gehienek, aurrez prestatutako paellak izan dituzte jateko. Arratsaldean, 18:00etan hasita, herri jolasak izango dituzte plazan. 19:30ean, Matraka elektrotxarangak girotuko du herria, eta gauean, 00:00etan Los Zopilotes Txirriaos taldearen kontzertua izango da. Bukatzean, DJa arduratuko da musika jartzeaz.
Bihar izango dute berrobitarrek jaien azken eguna.
Irailak 1, igandea
- 12:00. Pilota partidak, herriko pilotariekin.
- 16:00. Mus txapelketa, Bide Ona elkartean.
- 17:00. Dantza txapelketa herrikoia.
- 18:00. Ai Ama! taldearen eta Kristina Solanoren eskutik erromeria.
- Iluntzean. Ttonttor txaranga.
- Azkenik. Zahagiardoa.