San Agustin Egunaren biharamunean askotariko ekitaldiez gozatu ahal izan dute berrobitarrek. Erretirodunak, esaterako, ostatuan izan dute euren txokoa. Bertan egin dute bazkaria, eta ondoren, musikaz lagundurik, dantzarako tartea ere izan dute.
Gaztetxoak, berriz, bazkalostean bizkotxo lehiaketan trebatu dira. Parte hartzaile ugari izan ditu lehiaketak, eta ederki apaindu dituzte bizkotxoak.
Hurrengo hitzordua sagardo dastaketa da, Izer eta Narbaiza trikitilariek lagunduta. Eta gauean izango den mozorro lehiaketak ere jai giroa zabalduko du. 23:00etatik aurrera dantzaldia izango da Iñaki Perurenarekin.
San Agustin jaietako egitarau osoa hemen.