Berrobiko jaien barruan, Gazte Eguna egingo dute aurten. Abuztuaren 31n izango da, eta 14:00etan emango diote hasiera egunari. Paella lehiaketa egingo dute, eta Bide-Ona elkartean bazkaria ere egingo dute. Ondoren, 17:30ean hasita, herri jolasak egingo dituzte, eta horiek amaitzean, 19:30etik aurrera, musikak hartuko du Berrobi. Lehenik, Matraka elektrotxaranga ibiliko da herrian zehar, eta ondoren, 00:00etatik aurrera, Los Zopilotes Txirriaos eta DJ Destroy-en kontzertuak izango dira plazan. Goizaldeko 07:00etara iristen diren gaupaseroek argazkia aterako dute.
Antolatzaileek jakinarazi bezala, «ez da inongo eraso sexista, arrazista eta LGTBIQ+ fobiarik onartuko».