Urtea umorez agurtzeko Urte Zahar Martxa egin dute Berrobin. 11:00etan udaletxe atarian bildu dira herritarrak eta herriari itzuliak eman dizkiote, batzuk korrika eta beste batzuk oinez, bakoitza bere martxan.
Umorez, dibertsioa ardatz hartuta eta elkarrekin ospatu nahi izan dute urte zahar eguna Berrobin eta hainbat herritar mozorrotuta agertu dira martxara. Mozorro onenarentzat sariak ere izan dira amaieran.
Parte hartzaile guztiek herriko eskolan hamaiketakoa egin dute goizari errematea emateko.
